افواج کے درمیان ہتھیاروں کی سربراہی ، مودی کی وزیراعظم جاپان سے فون پر بات چیت
نئی دہلی۔ہندوستان اور جاپان کے درمیان برسوں کے مذاکرات کے بعد باہمی فوجی شعبوں میں معاہدہ پر دستخط ہوئے ہیں۔ خطے میں چین کی فوج کے ساتھ کشیدگی میں تشویشناک اضافہ کے پس منظر میں یہ معاہدہ اہمیت کا حامل ہے۔ معتمد دفاع اجئے کمار اور جاپان کے سفیر سوزوکی ستوسی نے معاہدہ پر دستخط کئے۔ وزیراعظم نریندر مودی نے آج صبح جاپان کے اپنے ہم منصب شنزو ابے سے ٹیلی فون پر بات چیت کی اور اس معاہدہ پر دستخط کا خیرمقدم کیا۔ دونوں قائدین نے کہا کہ دونوں ملکوں کے درمیان دفاعی تعاون میں مزید استحکام پیدا ہوگا۔ ہندوستان اور جاپان نے دفاع کے شعبے میں تعاون مزید ایک قدم آگے بڑھاتے ہوئے دونوں ملکوں کی فوجیوں کے درمیان ساز و سامان کی سپلائی اور سروسز کے باہم تبادلے کی خاطر معاہدہ کیا ہے ۔ یہ معاہدہ ہندوستان کے مسلح فوجیوں اور جاپان کے سیلف ڈیفنس فورسز کے درمیان سپلائی اور خدمات کے باہمی تعاون کے سلسلے میں کیا گیا ہے ۔ اس سے متعلق معاہدے پر دفاع کے سکریٹری ڈاکٹر اجے کمار اور جاپان کے سفیر سوزوکی ستوشی نے آج دستخط کیے ۔ یہ معاہدہ ہونے کے بعد ہندوستان اور جاپان کے مسلح فورسز کے درمیان دو طرفہ تربیتی سرگرمیوں، اقوام متحدہ امن قیام کی مہموں، بین الاقوامی سطح پر انسانی اور راحت رساںی کی مہموں اور باہمی طور متفق دیگر سرگرمیوں کے دوران سپلائی اور خدمات کے باہمی تبادلے کے لیے ڈھانچہ قائم ہو سکے گا۔ اس معاہدے سے ہندوستان اور جاپان کی فوجیوں کے درمیان باہمی تعاون بڑھے گا اور دو طرفہ دفاعی سرگرمیوں میں مزید اضافہ ہوگا۔