لکھنو22 مئی (ایجنسیز) سماجوادی پارٹی کے صدر اکھلیش یادو نے 2027 کے اتر پردیش اسمبلی انتخابات میں بی جے پی کی شکست کا دعویٰ کرتے ہوئے کہا ہے کہ حال ہی میں دیا گیا 1.93 لاکھ اساتذہ کی بھرتی کا اشتہار محض ایک سیاسی جملہ ہے، جس کا مقصد ووٹروں کو گمراہ کرنا ہے۔اکھلیش یادو نے سوشل میڈیا پلیٹ فارم ’ایکس‘ پر ایک پوسٹ میں ’’بی جے پی کی ہار کا سیاسی حساب‘‘ پیش کرتے ہوئے کہا کہ یہ بھرتی عوام کو بہلانے کی کوشش ہے لیکن اس کے نتائج بی جے پی کو مہنگے پڑیں گے۔انہوں نے کہا کہ اگر ہر ایک اسامی کے لیے کم از کم 75 امیدوار ہوں تو یہ تعداد 1.44 کروڑ بنتی ہے۔
