ممبئی، 16 مئی (یو این آئی) ریزرو بینک آف انڈیا (آر بی آئی) نے ضوابط کی عدم پابندی کے لیے ڈیوش بینک اے جی، انڈیا پر 50 لاکھ روپے کا جرمانہ عائد کیا ہے ۔آر بی آئی نے جمعہ کے روز کہا کہ بینک نے مرکزی ڈیٹا بیس میں بڑے قرض لینے والوں کی تفصیلات بروقت جمع نہیں کیں، جو کہ قواعد کے مطابق مطلوبہ ہے ۔ یہ لاپرواہی بینک کی مالیاتی نگرانی کے دوران سامنے آئی جو کہ 31 مارچ 2024 تک کی پوزیشن پر مبنی تھی۔تحقیقات کے بعد ریزرو بینک نے ڈیوش بینک کو نوٹس بھیج کر جواب طلب کیا کہ قواعد کی خلاف ورزی پر جرمانہ کیوں نہ عائد کیا جائے ۔ بینک کے جواب اور موقف کی سماعت کے بعد، آر بی آئی نے پایا کہ قواعد کی خلاف ورزی کی گئی ہے اور اس لیے اس پر مالی جرمانہ عائد کیا گیا۔
