آسام این آر سی معاملہ: 2,000مخنثوں کے نام بھی خارج، سپریم کورٹ سے رجوع

,

   

گوہاٹی: حالیہ دنوں میں آسام میں این آر سی کی قطعی فہرست جاری کردی گئی جن میں تقریبا 19لاکھ لوگوں کے نام غائب ہیں۔ مطلب یہ کہ یہ 19لاکھ لوگ غیر شہری ہیں۔ ان میں 2000 ہزار مخنث کے نام بھی خارج ہیں۔ عدالت عظمیٰ میں عرضی داخل کردی گئی ہے۔

خبررساں ایجنسی اے این آئی سے با ت کرتے ہوئے عدالت عظمیٰ میں عرضی داخل کرنے والی مخنث سواتی بدھائی نے بتایا کہ زیادہ تر مخنثوں کے پاس 1971ء سے قبل کے دستاویزات نہیں ہیں۔

سواتی نے کہا کہ این آر سی کا لزوم مخنثوں پر لاگو نہیں ہوتا۔“ انہوں نے کہا کہ این آر سی مخنثوں پر لاگو نہیں ہوتا یہ تو صرف مرد یا عورت پر لاگو ہوتا ہے لیکن ہمیں مجبور کیا جارہا ہے کہ ہم کسی ایک جنس کو قبول کریں۔ ہم نے اس تعلق سے سپریم کورٹ میں عرضی داخل کی ہے ہمیں امیدہے کہ سپریم کورٹ ہماری عرضی پر غور کرے گا او ربہتر فیصلہ کرے گا۔“