چیف منسٹر ہمنتا سرما کا اعلان، ایس ٹی ؍ایس سی کیلئے چار بچوں کی حد
گوہاٹی: آسام میں بی جے پی حکومت کا ایک اور متنازعہ اعلان سامنے آیا ہے۔ میڈیا رپورٹس کے مطابق ہمنتا بسوا سرما حکومت نے دیہی خاتون کا کاروباریوں کے لیے شروع کی گئی۔ اسکیم پر شرائط عائد کرتے ہوئے عورت کے بچوں کی تعداد کی حد کو شامل کردیا گیا۔ ریاستی حکومت کے مطابق اگر کسی خاتون کے تین سے زیادہ بچے ہوں تو اس خاتون کو سرکاری اسکیموں کا فائدہ نہیں ملے گا۔ وزیراعلی ہمنتا بسوا سرما نے ریاست کی خواتین کے لیے مہیلا انٹرپرینیورشپ اچھونی اسکیم کا آغاز کیا جبکہ اسکیم کی شرائط کے مطابق جن خواتین کے تین سے زیادہ بچے ہیں انہیں اس اسکیم کا فائدہ نہیں ملے گا۔ شرائط کے مطابق اگر جنرل اور او بی سی زمرے کی خواتین اس اسکیم کا فائدہ اٹھانا چاہتی ہیں تو ان کے 3 سے زیادہ بچے نہیں ہونے چاہئیں۔ وہیں درج فہرست قبائل (ایس ٹی) اور در فہرست ذات (ایس سی) خواتین کے لیے یہ حد چار بچوں کی ہے۔