برسبین ۔ ٹی ٹوئنٹی ورلڈ کپ کے لیے آسٹریلیا کرکٹ ٹیم کے اسکواڈ میں شامل جوش انگلس زخمی ہوگئے ہیں ۔آسٹریلوی میڈیا کے مطابق وکٹ کیپر بیٹر جوش انگلس کا سڈنی گولف کورس پر ہاتھ زخمی ہوگیا، ان کے ہاتھ پر زخم آیا اور خون بہنے پر انہیں اسپتال لے جایا گیا۔ترجمان نے کہا ہے کہ زخم کی نوعیت کی ابھی تصدیق ہونا ہے، جائزہ لیا جارہا ہے۔آسٹریلوی میڈیا نے مزید کہا ہے پہلے میچ سے قبل تازہ دم رہنے کے لیے کھلاڑیوں کو گولف کورس جانے کا موقع دیا گیا۔آسٹریلوی میڈیا کے مطابق میتھیو ویڈ آسٹریلیا کے پہلی پسند کے وکٹ کیپر ہیں اور ہفتے کو وہی میچ کھیلیں گے۔ٹی ٹوئنٹی ورلڈکپ میں دفاعی چمپئن آسٹریلیا ہفتے کو نیوزی لینڈ کا مقابلہ کرے گی۔
