دوبئی : ابوظبی میں حمدان اسٹریٹ پر واقع عمارت کی ایک منزل پر گیس سیلنڈر دھماکے کے باعث آگ بھڑک اٹھی۔غیرملکی میڈیا کے مطابق فائر بریگیڈ عملے نے بروقت کارروائی کرتے ہوئے آگ پر قابو پالیا، واقعے میں کوئی جانی نقصان نہیں ہوا۔ابوظبی سول ڈیفنس کا کہنا ہے کہ دھماکا گیس سیلنڈر پھٹنے سے ہوا ہے، ٹیموں نے عمارت میں لگنے والی آگ پر قابو پالیا ہے۔غیرملکی میڈیا کا کہنا ہے کہ احتیاطی تدابیر کے طور پر عمارت کو خالی کرکے صورتحال پر قابو پالیا گیا ہے جبکہ کولنگ کا عمل جاری ہے۔حکام کا کہنا ہے کہ آگ سے ہونے والے نقصانات محدود ہیں۔
