ممبئی: ادھو ٹھاکرے کے دھڑے نے مہاراشٹر میں ممبئی کی اندھیری ایسٹ اسمبلی سیٹ پر ضمنی انتخاب جیت لیا ہے۔ ادھو ٹھاکرے کی پارٹی شیو سینا ادھو بالاصاحب ٹھاکرے کی امیدوار ریتوجا لٹکے جیت گئی ہیں۔ اس کے بعد ٹھاکرے نے ماتوشری میں پریس کانفرنس کی۔ اس دوران ادھو ٹھاکرے نے کہا کہ مشعل کے شعلے بھڑک اٹھے ہیں اور بھگوا لہرا گیا ہے۔ بی جے پی پر نشانہ لگاتے ہوئے ادھو نے کہا کہ اگر وہ الیکشن لڑتے تو انہیں نوٹا جتنے ووٹ ملتے۔انہوں نے کہا، ’’گجرات انتخابات میں شیو سینا کے خواہش مند امیدوار مقابلہ کریں گے، لیکن شیو سینا پوری طاقت کے ساتھ نہیں آئے گی۔‘‘ ادھو ٹھاکرے نے کہا، ‘اس جیت کا کریڈٹ ووٹروں کو جاتا ہے۔ میں نیشنلسٹ کانگریس پارٹی، کانگریس، کمیونسٹوں اور ووٹروں کا شکر گزار ہوں۔ ہم تمام الیکشن اسی طرح لڑیں گے۔
