حیدرآباد۔ 21مارچ (یو این آئی)وزیراعظم نریندر مودی کی جانب سے اعلان کردہ جنتا کرفیو کے پیش نظر اتوار کو حیدرآبادمیٹرو کی خدمات بند رہیں گی۔میٹروریل کے عہدیداروں نے پہلے ہی ریل اور ٹرانسپورٹ خدمات کی صفائی کی بہتری کے اقدامات شروع کردیئے ہیں۔اس نے اپنے ملازمین کو ہدایت دی ہے کہ وہ اقدامات پر عمل کرے اور عام علاقوں کی صابن اور ڈٹرجنٹ کے ذریعہ صفائی کو یقینی بنائیں۔اسی دوران شہر حیدرآباد میں ایم ایم ٹی ایس خدمات اتوار کو جزوی رہیں گی۔ساوتھ سنٹرل ریلوے کے سی پی آراوراکیش نے یہ بات بتائی۔انہوں نے میڈیا سے بات کرتے ہوئے کہاکہ مسافرین کو مشکلات سے بچانے کے لئے 12ایم ایم ٹی ایس خدمات ہی چلائی جائیں گی۔ساوتھ سنٹرل ریلوے کی 250ٹرینوں کو منسوخ کردیاگیا ہے ۔انہوں نے کہا کہ صبح چار بجے سے دس بجے شب تک چلائی جانے والی تمام میل ایکسپریس ٹرینوں کو منسوخ کردیاگیا ہے ۔