نئی دہلی: اختراع کو اہم قرار دیتے ہوئے وزیر اعظم نریندر مودی نے آج ہم وطنوں کو نئے سال کی مبارکباد دی اور کہا کہ جو ملک اختراع کو اہمیت نہیں دیتا وہ ترقی کی راہ پر آگے نہیں بڑھ سکتا۔آل انڈیا ریڈیو پر نشر ہونے والے ‘من کی بات’ پروگرام کے 108ویں ایپی سوڈ میں مودی نے آج کہا کہ جو ملک اختراع کو اہمیت نہیں دیتا اس کی ترقی رک جاتی ہے ۔ ہندوستان کا اختراعی مرکز بننا اس حقیقت کی علامت ہے کہ ہم رکنے والے نہیں ہیں۔”انہوں نے کہاکہ “2015 میں ہم گلوبل انوویشن انڈیکس میں 81 ویں نمبر پر تھے ۔ آج ہمارا رینک 40 ہے ۔ اس سال ہندوستان میں دائر پیٹنٹ کی تعداد زیادہ رہی ہے ، جن میں سے تقریباً 60 فیصد گھریلو فنڈز سے ہیں۔انہوں نے کہاکہ ‘اس بار سب سے زیادہ ہندوستانی یونیورسٹیوں کو کیو ایس ایشیا یونیورسٹی رینکنگ میں شامل کیا گیا ہے ۔ اگر ہم ان کامیابیوں کی فہرست بنانا شروع کریں گے تو یہ کبھی مکمل نہیں ہوں گی۔ یہ صرف اس بات کی ایک جھلک ہے کہ ہندوستان کی صلاحیت کتنی متاثر کن ہے – ہمیں ملک کی ان کامیابیوں، ملک کے لوگوں کی ان کامیابیوں سے تحریک لیں، فخر کریں، نئے عزم کریں۔ میں ایک بار پھر آپ سب کو 2024 کے لیے نیک خواہشات پیش کرتا ہوں۔
وزیراعظم مودی کا کل ٹاملناڈو اور لکشدیپ کا دورہ
نئی دہلی: وزیر اعظم نریندر مودی 2 اور 3 جنوری کو ٹاملناڈو اور لکشدیپ کا دورہ کریں گے ۔وزیر اعظم 2 جنوری کی صبح ٹاملناڈو میں تروچیراپلی پہنچیں گے جہاں وہ تروچیراپلی کی بھارتی داسن یونیورسٹی کے 38ویں کانووکیشن میں مہمان خصوصی ہوں گے ۔ دوپہر میں تروچیراپلی میں ایک عوامی تقریب میں حصہ لیں گے۔ وزیر اعظم ہوا بازی، ریل، سڑک، تیل اور گیس اور جہاز رانی سے متعلق 19,850 کروڑ روپے سے زیادہ کے کئی ترقیاتی منصوبوں کا افتتاح اور سنگ بنیاد رکھیں گے ۔اسی دن مودی لکشدیپ میں اگتی پہنچیں گے جہاں وہ ایک عوامی تقریب سے خطاب کریں گے ۔ وزیر اعظم 3 جنوری کو دوپہر کورتی پہنچیں گے۔
