نئی دہلی۔ جب دہلی کیپٹلس نے 15 ویں اوور میں لکھنؤ سوپر جائنٹس کو 134/7 تک محدود دیا تو ایسا لگ رہا تھا کہ ارون جیٹلی اسٹیڈیم میں مقابلہ جلد ختم ہوجائے گا لیکن بائیں ہاتھ کے فاسٹ بولنگ آل راؤنڈر ارشد خان نے 33 گیندوں پر ناقابل شکست 58 رنز بناکر ایل ایس جی کے لیے 209 رنزکے ناممکن تعاقب کو یقینی بنانے کی کوشش کی ۔ یہ ارشد کی پہلی ٹی ٹوئنٹی نصف سنچری بھی تھی اور اسے ٹورنمنٹ میں پچاس رنز بنانے والا ساتواں بیٹر بنا دیا، حالانکہ ان کی شاندار اننگز ایل ایس جی کو 19 رنز کی شکست سے نہیں روک پائی لیکن کئی ماہرین نے ارشد میں ایک روشن مستقبل دیکھا ہے۔ ایل ایس جی کے ہیڈ کوچ جسٹن لینگر کا خیال ہے کہ ارشد جس نے جیک فریزر میک گرک کو دو گیندوں پر آؤٹ کیا اور اس کے بعد بیٹنگ میں پانچ چھکے اور تین چوکے مارنے کے علاوہ اگر وہ اپنی کارکردگی میں تسلسل برقرار رکھنے میں کامیاب رہے تو بہت اچھے آل راؤنڈر بن سکتے ہیں۔ ارشد ایک بہت اچھا کرکٹر ہے۔ اس نے گیند کو جلدی سوئنگ کیا، ایک اچھا فیلڈر ہے اور اس طرح کی بیٹنگ کرنے کے بعد وہ ایک بہت مکمل کھلاڑی ہے۔ اس سارے ٹورنمنٹ کو دیکھتے ہوئے، اس کے پاس بہت زیادہ صلاحیت ہے اور اس نے اس میں سے کچھ دکھایا۔ ایل ایس جی جمعہ کو ممبئی انڈینزکے خلاف اپنا آخری لیگ میچ جیتنے پر 14 پوائنٹس تک پہنچ سکتی ہے لیکن ان کا خالص رن ریٹ منفی0.787 وہ عنصر ثابت ہو سکتا ہے جس کی وجہ سے وہ پلے آف سے محروم ہوجائیںگے۔ لینگر بھی آئی پی ایل 2024 میں اس میچ کے بارے میں اپنے خیالات کا اظہار کیا ہے۔ انہوں نے کہا کہ ان دنوں بہت زیادہ ڈیٹا موجود ہے لہذا جب آپ ہر گیم میں اپنا تجزیہ کرتے ہیں۔ آپ میچ اپ کو دیکھتے ہیں، لیکن اکثر جب کوئی وکٹ تیزی سے گرتی ہے تو حالات بدل جاتے ہیں اور پھر آپ آف اسپنر کو استعمال کرنے کی کوشش کرتے ہیں کیونکہ شروع سے ہی زیادہ ترکھلاڑی ہٹ نہیں کرتے ہیں۔ جب کپتان اکثر اسے استعمال کرتا ہے اور سچ یہ ہے کہ، دنیا میں آر اشون یا ناتھن لیون جیسے بولر بہت زیادہ نہیں ہیں۔ لینگر نے مزید کہا کہ وہ یہ دیکھنے کے لیے بے چین ہیں کہ کیا آئندہ ٹی20 ورلڈ کپ میں کھلاڑی انتہائی جارحانہ کرکٹ کھیلیں گے، جو یکم جون کو ویسٹ انڈیزاور امریکہ میں منعقد ہونے والا ہے، خاص طور پر آئی پی ایل 2024 میں ہمالیائی اسکورس کے بعد ورلڈ کپ میں توجہ اسکور پر ہوگی۔
