ممبئی: عالمی منڈی کے ملے جلے رجحان کے درمیان مقامی سطح پر ہمہ جہت خرید و فروخت کی وجہ سے اسٹاک مارکیٹ میں آج مسلسل دوسرے دن بھی رونق رہی،۔بی ایس ای کا 30 حصص کا حساس انڈیکس سینسیکس 1436.30 پوائنٹس یا 1.83 فیصد چھلانگ لگا کر 79,943.71 پوائنٹس اور نیشنل اسٹاک ایکسچینج (این ایس ای) نفٹی 445.75 پوائنٹس یا 1.88 فیصد چھلانگ لگا کر 24,188.65 پوائنٹ پر پہنچ گیا۔ اسی طرح بی ایس ای مڈ کیپ 0.89 فیصد اضافے کے ساتھ 47,091.91 پوائنٹس پر بند ہوا اور اسمال کیپ 0.68 فیصد اضافے کے ساتھ 56,127.20 پوائنٹس پر بند ہوا۔اس دوران بی ایس ای میں کل 4086 کمپنیوں کے حصص کا کاروبار ہوا جن میں سے 2394 خریدے گئے 1575 فروخت ہوئے جبکہ 117 میں کوئی تبدیلی نہیں ہوئی۔ اسی طرح، نفٹی کی 48 کمپنیوں میں اضافہ ہوا جبکہ دیگر دو میں کمی دیکھی گئی۔
