جے پور: راجستھان کے سابق وزیر اعلی اشوک گہلوت نے کہا کہ حکومت اور انتظامیہ کے منشیات کے مسئلہ کے حوالہ سے سنجیدہ نہ ہونے کی وجہ سے ملک میں منشیات کے استعمال کا مسئلہ مسلسل بڑھتا جا رہا ہے اور اب اسکول بھی اس سے اچھوتے نہیں رہے ہیں۔ چہارشنبہ کو جاری ایک بیان میں گہلوت نے کہا کہ پہلے کالج جاتے وقت بچے عام طور پر نشے کی لت کی طرف مائل ہوتے تھے لیکن اسکول جانے والے بچوں سے بات کرنے پر پتہ چلتا ہے کہ اب اسکول بھی اس مسئلے سے اچھوتے نہیں ہیں۔ یہاں تک کہ دسویں اور بارہویں جماعت کے بچے بھی شراب اور منشیات کی طرف بڑھ رہے ہیں۔ بچے ہر چھوٹی بڑی تقریب میں شراب نوشی کی طرف بڑھ رہے ہیں جو پورے معاشرے کیلئے تشویشناک ہے ۔
