وارانسی۔ 8 نومبر (یو این آئی) مرکزی وزیر ریلوے اشونی ویشنو نے ہفتہ کو بنارس ریل لوکوموٹیو ورکس (بی ایچ ای ایل) کا دورہ کیا۔ اس موقع پر ریلوے بورڈ کے چیئرمین ستیش کمار اور بی ایچ ای ایل کے جنرل منیجر سومیش کمار بھی موجود تھے ۔ ریلوے کے وزیر نے لوکو فریم شاپ، لوکو اسمبلی شاپ اور لوکو ٹیسٹ شاپ کا تفصیلی معائنہ کیا اور مینوفیکچرنگ کے عمل سے متعلق تکنیکی معلومات حاصل کیں۔ معائنہ کے دوران انہوں نے ملازمین سے بات چیت کی، لوکو مینوفیکچرنگ کی پیچیدگیوں پر تبادلہ خیال کیا، اور خاص طور پر خواتین ملازمین کی حوصلہ افزائی کی۔ ویشنو نے لوکو مینوفیکچرنگ کے معیار اور کارکردگی کو بہتر بنانے کے لیے ملازمین سے تجاویز طلب کیں۔