نئی دہلی:حکومت نے مرکزی وزیر تجارت و صنعت پیوش گوئل کی قیادت میں ایک ہائی پاور کمیٹی تشکیل دی ہے جو سیمی کنڈکٹر سمیت اعلی ٹکنالوجی مینوفیکچرنگ شعبے میں سرمایہ کاری اور پیداوار بڑھانے کے لئے تجاویز اور سفارشات پیش کرے گی ۔ مرکزی وزارت برائے تجارت و صنعت نے گزشتہ دیررات اس سلسلے میں ایک پریس نوٹ جاری کیا۔ کمیٹی میں حکومت کے تمام متعلقہ محکموں اور پرائیوٹ شعبے کے نمائندوں اور ماہرین کو شامل کیا گیا ہے ۔ یہ کمیٹی ضرورت پڑنے پر دوسرے محکموں کے نمائندوں کو بھی مدعو کرسکے گی۔ پریس نوٹ میں کہا گیا ہے کہ کمیٹی ہائی ٹکنالوجی کے شعبے میں سرمایہ کاری بڑھانے کے لئے اقدامات کی سفارش کرے گی۔
