کابل: افغانستان کے پروان صوبے میں طالبان اور نامعلوم بندوق برداروں کے درمیان تصادم میں چار افراد کی موت اور پانچ دیگر زخمی ہوگئے ۔ذرائع نے بتایا کہ زخمیوں کو نزدیکی اسپتال میں داخل کرایا گیا ہے ۔ ابھی اس بات کا پتہ نہیں چلا ہے کہ مہلوکین میں طالبان کا کوئی رکن ہے یا نہیں۔واضح رہے کہ افغانستان سے امریکی اور اتحادی فورسز کی مکمل واپسی کے بعد اس ملک پر طالبان کا کنٹرول ہوگیا ہے ۔تاہم طالبان کو پنج شیر میں بھی مزاحمت کا سامنا ہے جہاں طالبان کنٹرول حاصل کرنے کے لئے بھرپور کوشش کررہے ہیں۔
