کابل : 25 ڈسمبر ( ایجنسیز ) افغانستان سے دہشت گردوں نے تاجکستان میں سرحد پار حملہ کردیا، مسلح جھڑپ میں تاجک بارڈر گارڈ کے 2 اہلکار ہلاک ہوگئے۔تاجک حکام کے مطابق جوابی کارروائی میں افغانستان سے آئے 3 دہشت گردمارے گئے ہیں ۔ دہشت گردوںکے قبضے سے بڑی تعداد میں ہتھیار، دستی بم اور نائٹ ویڑن ڈیوائسز ملی ہیں۔تاجک حکام کے مطابق افغان طالبان نے بین الاقوامی ذمہ داریوں اور تاجکستان کے ساتھ ریاستی سرحد پر سلامتی اور استحکام کو یقینی بنانے کے وعدوں کی خلاف ورزی کی ہے۔