دو پاکستانی فوجی ہلاک،طالبان کے کنٹرول کے بعد سرحد پر پہلا واقعہ ہوا
اسلام آباد : پاکستان اور افغانستان کے درمیان سرحدی علاقے میں سرحد پار سے عسکریت پسندوں کی طرف سے کی جانے والی فائرنگ کے نتیجے میں دو پاکستانی فوجی مارے گئے۔ پاکستانی فوج کی طرف سے بتایا گیا کہ یہ فائرنگ کل اتوار کے روز کی گئی۔ کابل پر دو ہفتے قبل طالبان کے کنٹرول کے بعد سے دونوں ممالک کے مابین سرحد پر یہ اپنی نوعیت کا پہلا ہلاکت خیز واقعہ تھا۔ پاکستانی فوج نے بتایا کہ ملکی دستوں کی طرف سے جوابی فائرنگ میں سرحد پار کم از کم دو حملہ آور بھی مارے گئے۔ یہ واقعہ پاکستانی صوبے خیبر پختونخواہ کے ضلع باجوڑ میں پیش آیا۔
