نئی دہلی : کانگریس کی لیڈر اور کالکاجی اسمبلی حلقہ سے امیدوار الکا لامبا نے وزیر اعلیٰ آتشی کے شراب پالیسی سے متعلق ان کے بیان پر سخت حملہ کرتے ہوئے کہا ہے کہ بدعنوان اور عارضی وزیر اعلیٰ دوبارہ شراب پالیسی لانا چاہتی ہیں۔ لامبا نے شراب کی بوتل بیچتے ہوئے سوشل میڈیا پلیٹ فارم پر لکھا عام آدمی پارٹی (عآپ ) نے نوجوان نسل کو نشے میں دھکیلتے ہوئے شراب پینے کی عمر کو 25 سے 21 سال کر کے صحیح کام کیا۔ انہوں نے کہا کہ کیا میری دہلی والے بھی یہی چاہتے ہیں؟ یہ افسوسناک اور تشویشناک بھی ہے کہ ایک خاتون وزیر اعلیٰ احتجاج کرنے کی بجائے دھوکے باز اروند کیجریوال کے دباؤ میں کٹھ پتلی بن کر یہ کہہ رہی ہیں۔ قابل ذکر ہے کہ دہلی اسمبلی انتخابات میں کالکاجی سیٹ پر لامبا، آتشی اور بی جے پی کے لیڈر رمیش بدھوڑی آمنے سامنے ہیں۔
