واشنگٹن: ترجمان طالبان ذبیح اللہ مجاہد نے کہا ہے کہ امریکہ کی افغانستان میں فوج کشی بلاجواز تھی اور آج 20 سال بعد بھی اسامہ بن لادن کے 9/11 حملے میں ملوث ہونے کو ثابت نہیں کیا جا سکا۔امریکی نشریاتی ادارے این بی سی کو انٹرویو میں ترجمان طالبان ذبیح اللہ مجاہد نے ایک بار بھی یقین دہانی کرائی ہے کہ داعش اور دیگر انتہا پسند جماعتوں کو امریکہ سمیت کسی بھی دوسرے ملک کی سلامتی کے خلاف افغان سرزمین کو استعمال کرنے نہیں دیں گے۔ ہم اپنے عہد پر قائم ہیں اور خواہش رکھتے ہیں کہ دوسرا فریق بھی معاہدے کی پاسداری کرے۔اس موقع پر ترجمان طالبان نے امریکہ پر کڑی تنقید کرتے ہوئے کہا کہ افغانستان پر فوج کشی کا کوئی جواز نہیں تھا۔ اسامہ بن لادن کی 9/11 حملے میں ملوث ہونے کا الزام لگایا گیا لیکن نہ تو اْس وقت اور نہ ہی آج 20 سال بعد بھی اس الزام کو درست ثابت کیا جا سکا ہے۔ امریکہ اسامہ بن لادن کے 9/11 میں ملوث ہونے کا کوئی ثبوت پیش نہیں کرسکا ہے۔
