واشنگٹن :امریکی وزیر دفاع لائیڈ آسٹن نے اسرائیلی ہم منصب یاو گالانت سے رابطہ کیا ہے۔ پینٹاگون کے ترجمان پیٹر رائیڈر کے مطابق ، ٹیلی فون پر کی گئی بات چیت سے متعلق ایک تحریری بیان میں بتایا گیا ہے کہ طرفین نے غزہ کی تازہ صورتحال اور انسانی امداد جیسے موضوعات پر تبادلہ خیال کیا ہے۔ بات چیت میں امریکی وزیر دفاع نے حکومت اسرائیل سے مطالبہ کیا کہ وہ رفح سرحدی گزرگاہ کو کھولنے اور ابو سالم سرحد کے راستے انسانی امداد کی فراہمی کو ممکن بنانے کیلئے مصر سے رابطہ کرے۔ آسٹن نے یہ بھی کہا کہ امریکہ نے عالمی تعزیراتی عدالت کے اٹارنی جنرل کریم خان کی طرف سے اسرائیل کے اعلی حکام کی گرفتاری کی درخواست پر اعتراض کر دیا ہے۔
