نئی دہلی:مرکزی وزیر داخلہ امت شاہ کل (اتوار) آندھرا پردیش کے وجے واڑہ میں نیشنل ڈیزاسٹر ریسپانس فورس کے 20ویں یوم تاسیس پروگرام میں بطور مہمان خصوصی شرکت کریں گے ۔اس موقع پر شاہ 200 کروڑ روپے سے زیادہ کے پراجیکٹس کا افتتاح اور سنگ بنیاد بھی رکھیں گے ۔ ہندوستان اب ڈیزاسٹر مینیجمنٹ کیلئے ایک ریلیف سنٹرک کے بجائے صفر جانی نقصان کا طریقہ اپنا رہا ہے ، تاکہ آفات کے دوران زیرو کیزولٹی کا ہدف حاصل کیا جا سکے ۔مرکزی وزیر داخلہ تین اہم مراکز کے کمپلیکس کا افتتاح کریں گے جس میں نیشنل ڈیزاسٹر مینجمنٹ انسٹی ٹیوٹ کا ساودرن کیمپس، فورس کی 10ویں بٹالین اور ریجنل آپریشن سنٹر سپول کا کیمپس شامل ہے ۔ یہ اہم ادارے انسانی وسائل کی ترقی، صلاحیت سازی، تربیت، تحقیق، دستاویزی اور پالیسی سازی میں ہندوستان کو آفات سے محفوظ بنانے اور ویژن 2047 کے تحت ملک میں آفات کے خطرے کو کم کرنے کے نظام کو مزید مضبوط بنانے میں بہت اہم کردار ادا کر رہے ہیں۔امیت شاہ نیشنل پولیس اکیڈمی، حیدرآباد میں نئی انٹیگریٹڈ شوٹنگ رینج کا سنگ بنیاد بھی رکھیں گے ۔ یہ انٹیگریٹڈ شوٹنگ رینج50 میٹر لمبی ہوگی اور اس میں 10 لین ہوں گی جس میں دس افراد بیک وقت فائرنگ کی مشق کر سکیں گے ۔ یہ فائرنگ رینج ہر موسم میں آپریشنل، مکمل مشینی اور خودکار ہو گی اور اسے 27 کروڑ روپے کی لاگت سے تعمیر کیا جا رہا ہے ۔ اس رینج کی جدید ترین ٹیکنالوجی بین الاقوامی معیار کے مطابق ہے اور یہ ملک کے تمام پولیس اداروں میں اپنی نوعیت کی پہلی سہولت ہوگی۔
