یہ واضح ہے کہ مشرا ایک حقوق کی تنظیم کے سربراہ ہیں جس کواکثر حکومت کے خلاف معاملات دیکھنا پڑتا ہے اور اس کایہ تبصرہ جس میں انہوں نے ہوم منسٹر کی ستائش کی ہے ان کے ذمہ داری سے تضاد تصور کیاجارہا ہے
حیدرآباد۔ بی جے پی کے سابق قائد یشونت سنہہا نے قومی انسانی حقوق کمیشن برائے ہند(این ایچ آرسی) سربراہ جسٹس ارون مشرکووزیر داخلہ امیت شاہ کی ستائش کرنے پر شدید تنقید کا نشانہ بنایاہے۔
سنہا جو کہ اب ترنمول کانگریس کے نائب صدر ہیں‘ مشرا کے طرز عمل کو ”خالص چاپلوسی“ قراردیاہے۔ انہوں نے ایک ٹوئٹ میں لکھا کہ”جسٹس ارون مشرا نے وزیراعظم کی موجودگی بطور ایس سی جج ان کی تعریف کی تھی۔
اب وہ این ایچ آرسی کے چیرمن ہیں۔ اور ایچ ایم کی تعریف ان کی موجودگی میں کی ہے۔ یہ خالص چاپلوسی ہے۔ کتنا نیچے تم گرجاؤ گا جسٹس مشرا؟“۔
انہوں نے کہاکہ ”یہ آپ کے لئے ہے‘ مسٹر شاہ‘ یہ کہ ایک نئے دور کی شروعات جموں او رکشمیر میں ہوئی ہے“۔
اپنے خطاب میں مشرا نے یہ بھی کہاکہ ”عالمی طاقتوں کی ایماء پر ہندوستان پر انسانی حقوق کی خلاف ورزیوں کا الزام لگانا ایک معمول بن گیاہے“۔
اگست5سال2019کو امیت شاہ نے پارلیمنٹ میں ارٹیکل370کے تحت جموں کشمیرکے خصوصی موقف کو ختم کردیاتھا اور اسکو دو مرکز کے زیر اقتدار علاقوں میں تقسیم کردیا۔
یہ واضح ہے کہ مشرا ایک حقوق کی تنظیم کے سربراہ ہیں جس کواکثر حکومت کے خلاف معاملات دیکھنا پڑتا ہے اور اس کایہ تبصرہ جس میں انہوں نے ہوم منسٹر کی ستائش کی ہے ان کے ذمہ داری سے تضاد تصور کیاجارہا ہے۔
سال2020میں اس وقت لوگ حیرت زدہ ہوگئے تھے جب انہوں نے ایک عوامی اجلاس میں وزیراعظم نریندر مودی کو ”عالمی سطح پر تسلیم شدہ نظریہ ساز“ قراردیاتھا۔
انہوں نے وزیراعظم کی عالمی سطح کی سونچ او رعلاقائی سطح پر کام کرنے کی قابلیت کا حوالہ دیتے ہوئے سراہنا کی تھی۔
عالمی عدالتی کانفرنس 2020کے افتتاحی اجلاس میں کلیدی خطاب کے دوران مشرا نے مودی کی دومرتبہ ستائش کی تھی۔
سپریم کورٹ کے جج کی حیثیت سے ریٹائرمنٹ کے فوری بعد انہیں ایچ این آر سی چیرمن مقرر کیاگیاتھا اور ایسا پہلی مرتبہ ہوا ہے کہ این ایچ آرسی کا چیرمن سابق چیف جسٹس آف انڈیا نہیں ہے۔