امیٹھی22مارچ (سیاست ڈاٹ کام ) اترپردیش کی امیٹھی پارلیمانی سیٹ پر اس بار بھی کانٹے کی ٹکر دیکھنے کو مل سکتی ہے ۔ اس سیٹ سے کانگریس صدر راہل گاندھی کے مقابلے بی جے پی نے دوبارہ سمرتی ایرانی کو اتارا ہے ۔ ا یرانی نے 2014 کے لوک سبھا انتخابات میں راہول گاندھی سے زبردست انتخابی مقابلہ کیا تھا اور کا نگریس صدر راہول گاندھی تقریباً ایک لاکھ ووٹوں سے ہی کامیابی حاصل کر سکے تھے ۔ جمعہ کو امیٹھی سے امید وار بنا ئے جانے کے علان کے بعد ایرانی نے کہا کہ ‘‘ راہول گاندھی کے لئے دیور پر نتیجہ لکھا ہو ا ہے ’’ ۔انہو ں نے امیٹھی میں‘ کامدار بنام نامدار ’کے درمیان انتخابی مقابلہ ہونے کی بات کہی ہے ۔ سمرتی یرانی نے دعوی ٰ کیاکہ امیٹھی کے عوام کی مشکلات کوسننے اور انہیں دور کرنے کے لئے مسٹر گاندھی کو کبھی وقت نہیں ملا جبکہ انہوں نے گزشتہ پانچ برس میں یہاں کے عوام کے ساتھ بیشتر وقت گذارا ہے ۔ بی جے پی امید وار نے یہ کہتے ہوئے راہول گاندھی پر تنقید کی کہ جن غریبوں نے اپنے ووٹ دے کر مسٹر گاندھی کو رکن پارلیمان بنایا ، ان کو ہی کانگریس صدر نے دھوکا دیا ہے ۔ سماج وادی پارٹی (ایس پی) اور بہوجن سماج پارٹی اتحاد نے امیٹھی سیٹ سے امیدوار نہ اتارنے کا فیصلہ کیا ہے ۔ ایسے میں اس مرتبہ راہل گاندھی اور اسمرتی ایرانی کے درمیان کانٹے کی ٹکر دیکھنے کو مل سکتی ہے۔
