کوپن ہیگن : ڈنمارک کی دفاعی خفیہ سروس (ایف ای) نے خبردار کیا ہے کہ اگر یوکرین میں جنگ ختم ہوئی تو روس پانچ سال کے اندر یورپ میں ایک بڑی جنگ شروع کر سکتا ہے۔سروس کی جانب سے شیئر کی گئی خفیہ رپورٹ میں کہا گیا تھا کہ روس اپنے فوجی سازوسامان کو جدید بنا رہا ہے اور اس کی پیداوار میں اضافہ کر رہا ہے۔بتایا جاتا ہے کہ روس اپنی فوجی طاقت برقرار رکھے ہوئے ہے لیکن ڈنمارک پر فوجی حملے کا کوئی خطرہ نہیں ہے۔روس کی آرکٹک سمیت اپنے سمندری علاقوں پر کنٹرول حاصل کرنے کی خواہش پر زور دیا گیا۔اس کے علاوہ یہ بھی کہا گیا کہ روس خود کو مغرب کے ساتھ تصادم کی حالت میں سمجھتا ہے اور نیٹو کے ساتھ جنگ کی تیاری کر رہا ہے۔خیال رہے کہ اس صورت حال سے روس کی فوجی طاقت کے استعمال پر آمادگی میں اضافہ ہو سکتا ہے۔
