جکارتہ:انڈونیشیا کے صوبیمشرقی جاوا میں واقع ماونٹ سیمیرو آتش فشاں جمعہ کو پھٹ پڑا جبکہ مقامی حکام نے لوگوں کو علاقہ سے دور رہنے کی تنبیہ کی ہے۔ غیر ملکی میڈیا رپورٹس کے مطابق آتش فشاں مقامی وقت کے مطابق صبح9 بج کر 23 منٹ پر پھٹا جس سے گرم لاوا جنوب مشرق کی طرف 700 میٹر تک پھیل گیا، آتش فشاں کے پھٹنے سے جنوب مشرق اورجنوب کی طرف سرمئی رنگ کا لاواپھیل گیا۔ حکام نے لوگوں سے چوکنا رہنے کی اپیل کرتے ہوئے زور دیا ہے کہ خاص طور پر اس کے جنوب مشرقی علاقہ میں 13 کلومیٹر اور چوٹی کے ارد گرد 5 کلومیٹر تک کے علاقہ میں جانے سے گریز کریں تاکہ دوسری مرتبہ لاوا پھٹنے کی صورت میں نقصان سے بچا جا سکے۔
