دھمکی آمیز کال کے بعد سابق چیف منسٹر کا سیکوریٹی پر اظہار تشویش‘16افراد گرفتار
بنگلور: کرناٹک کے سابق وزیر اعلیٰ اور کانگریس کے سینئر لیڈر سدارامیا نے سوال کیا کہ ”انہوں نے گاندھی کو مار ڈالا۔ کیا وہ مجھے بخشیں گے ؟ سدارامیا نے چکمگلور میں ایک پروگرام سے خطاب کرتے ہوئے کہاکہ”انہوں نے گاندھی کا قتل کیا۔ گوڈسے نے گاندھی کو گولی مار دی۔ وہ اس کی تصویر کی پوجا کرتے ہیں۔’’اس کا نوٹس لیتے ہوئے بسواراج بومئی نے کہا کہ انہوں نے سدارامیا سے ملاقات کی اور انہیں مناسب سیکورٹی اور معاملے کی مکمل تحقیقات کا یقین دلایا۔ انہوں نے تحقیقات کے لیے سدارامیا سے دھمکی آمیز کال کی تفصیلات بھی طلب کیں۔ بومئی نے کہاکہ ‘‘ہم اس معاملے کو سنجیدگی سے لے رہے ہیں۔ پولیس اس کی تحقیقات کرے گی۔ ہم نے ریاستی اسمبلی میں اپوزیشن لیڈر کو مکمل سیکورٹی فراہم کرنے کی ہدایت دی ہے ۔ کوئی بھی ایسا بیان نہ دے جس سے دوسروں کے ذہنوں میں نفرت پیدا ہوتی ہو۔’’ سدارامیا نے کوڈاگو اور چکمگلور کے دورے کے دوران ان کی گاڑی پر انڈے پھینکے اور سیاہ پرچم لہرائے جانے کے واقعات کے بعد اپنی حفاظت کے بارے میں تشویش کا اظہار کیا۔وزیر اعلیٰ نے دونوں سیاسی جماعتوں سے کہا کہ وہ قانون کو اپنے ہاتھ میں نہ لیں اور کوئی اشتعال انگیز ریمارکس دینے سے گریز کریں۔ اسی دوران اس سلسلہ میں 16افراد کو گرفتار کیا گیا ہے ۔