بھوپال۔ مدھیہ پردیش کے وزیر اعلیٰ شیو راج سنگھ چوہان نے کہا ہے کہ آتم نربھر مدھیہ پردیش کے لیے روڈ میاپ کیلئے ریاست میں جو تیاریاں کی جا رہی ہیں’ ان میں 7 سے 11 اگست تک ہونے والا ویبینار میل کا پتھر ثابت ہوں گے ۔ مسٹر چوہان چرایو اسپتال سے ویڈیو کانفرنس کی ذریعے چیف سکریٹری اقبال سنگھ بینس اور سینیئر افسران سے گفتگو کر رہے تھے ۔ وزیر اعلیٰ 07 اگست کو ویبینار کا افتتاح کریں گے ۔ انہوں نے کہا کہ نیتی آیوگ کی ہدایت پر مدھیہ پردیش انفراسٹرکچر، روزگار، صحت، تعلیم، معیشت اور بہتر انتظام کے سلسلے میں ماہرین، سینیئر افسران، معاشی شعبے کے ماہرین کے افکار اور مشورے حاصل کرکے ایک روڈ میپ بنانے کے لیے تمام ویبینار میں نوجوانوں کو بھی جوڑا جائے ۔ اس کے ساتھ ہی کلیکٹر، کمشنر جیسے میدانی افسر اور دارالحکومت میں تعینات سینیئر انتظامی افسران، وزراء اپنے تجربات سے عملی تجاویز دیں۔ تیار روڈ میپ سے عوام کو آگاہ کیا جائے گا۔ آئندہ تین برس میں روڈ میپ پرعمل درآمد کیا جائے گا۔