ماسکو ۔ 3 اکٹوبر (سیاست ڈاٹ کام) سعودی عرب کے وزیر توانائی شہزادہ عبدالعزیز بن سلمان نے بتایا کہ مملکت نے گذشتہ ماہ اپنی دو تنصیبات ہوئے حملوں کے بعد تیل کی پیداوار کو مکمل طور پر بحال کرلیا ہے جس کے بعد اب وہ اپنی توانائی کمپنی’آرامکو’ پر توجہ مرکوز کررہے ہیں۔سعودی وزیر نے جمعرات کو ماسکو میں توانائی کانفرنس سے خطاب کرتے ہوئے کہا کہ مملکت میں تیل کی موجودہ پیداواری صلاحیت روزانہ 11.3 ملین بیرل ہے۔انہوں نے کہا کہ ہم آگے بڑھ کر حملوں کا صفحہ تبدیل کر چکے ہیں۔ ہمارے پاس آرامکو کی عوامی پیش کش اور کمپنی کے شیئرز کی فروخت جیسے نئے چیلینجز ہیں ۔
