پڈوچیری2ستمبر (سیاست ڈاٹ کام) پڈوچیري کے وزیر اعلی وی نارائن سامی نے پیر کو کہا کہ بھارتیہ جنتا پارٹی (بی جے پی) اور راشٹریہ سوئم سیوک سنگھ (آر ایس ایس) کے ارکان کی ریاستوں کے گورنروں کے طور پر تقرری ہندوستانی جمہوریت کے خلاف ہے ۔مسٹر نارائن سامي نے ہماچل پردیش، راجستھان، مہاراشٹر، تلنگانہ اور کیرالہ میں نئے گورنروں کی تقرری کے ضمن میں یہ بات کہی ہے ۔وزیر اعلی نے گنیش چترتھی کے موقع پر یہاں مناکلا ونائیگر مندر میں پوجا ارچنا کے بعد نامہ نگاروں سے کہا کہ یہ تقرریاں سرکاریا کمیشن کی سفارشات کے خلاف بھی ہے ۔سال 1983 میں ملک کی اس وقت کی مرکزی حکومت کی طرف سے قائم سرکاریا کمیشن نے مختلف مسائل پر مرکز ۔ریاست تعلقات کو لے کر متعدد سفارشات کی تھیں اور ملک کے آئین کے فریم ورک کے تحت ان میں تبدیلی کا مشورہ دیا تھا۔مسٹر نارائن سامي نے الزام لگایا‘‘یہ گورنر بی جے پی کے ہاتھوں کی کٹھ پتلی کی طرح کام کریں گے ’’۔ انہوں نے آج گنیش چترتھی کے موقع پر لوگوں کو مبارکباد بھی دی۔
