لکھنؤ : اترپردیش کے وزیر اعلی یوگی آدتیہ ناتھ نے پاکستان اور اس کے فاونڈر محمد علی جناح کے بارے میں سماج وادی پارٹی(ایس پی)کے صدرا کھلیش یادو کے بیان کا حوالہ دیتے ہوئے ایس پی سربراہ کی معلومات پر سوالات کھڑے کئے ہیں۔یوگی نے اکھلیش کے ذریعہ پاکستان کو ہندوستان کا حقیقی دشمن نہ ہونے کے بارے میں دئیے گئے بیان پر طنز کستے ہوئے منگل کو سوشل میڈیا پر اپنے تبصرے میں کہا‘جنہیں پاکستان دشمن نہیں لگتا، جناح دوست لگتے ہیں۔ ان کی تعلیم اور نظریہ پر کیا ہی کہا جائے ۔ اتنا ہی نہیں یوگی نے اکھلیش کو مخالف سماج بھی قرار دیا۔ یوگی نے کہا‘وہ خود کو سما ج وادی کہتے ہیں لیکن سچ یہی ہے کہ صدر ایس پی سماج وادی جذبہ نہیں رکھتے ہیں۔
