اپریل میں ملک بھر میںایک بھی گاڑی فروخت نہیں ہوئی ۔ آٹو انڈسٹری میں بہتری کی امیدوں سے نیا حوصلہ
نئی دہلی: پانچ ماہ سے کووِڈ۔19 وبا کے سبب بدحال گاڑیوں کی صنعت کیلئے اگست کا مہینہ قدرے بہتر رہا ۔ مسافر گاڑیوں کی ٹھوک فروخت میں 14 فیصد اور دوپیہیہ گاڑیوں کی فروخت میں تین فیصد کا اضافہ درج کیا گیا۔ گاڑی ساز کمپنیوں کی تنظیم سیام کے اعداد و شمار کے مطابق اگست میں گاڑیوں کی فروخت ایک سال پہلے کے مقابلے 14.16 فیصد بڑھ کر 2,15,916 پر پہنچ گئی۔ گذشتہ برس اگست میں یہ اعداد و شمار 1,89,129 تھے ۔ اس میں کاروں کی فروخت 14.13 فیصد بڑھ کر 1,24,715 یونٹ، قابل استعمال گاڑیوں کی فروخت 15.54 فیصد بڑھ کر 81,842 یونٹ اور وین کی فروخت 3.82 فیصد کے اضافے کے ساتھ 9,359 یونٹ رہی۔ اگست میں کل 15,59,665 دوپیہیہ گاڑیاں فروخت ہوئیں۔ اگست 2019 میں یہ اعداد و شمار 15,14,196 یونٹ تھے ۔ اس میں موٹر سائیکل کی فروخت 10.13 فیصد بڑھ کر 10,32,476 پر پہنچ گئی جبکہ اسکوٹر کی فروخت 12.30 فیصد کم ہو کر 4,56,848 رہ گئی۔ موپیڈ کی فروخت 25.65 فیصد بڑھ کر 70,126 یونٹ پر پہنچ گئی۔ علاوہ ازیں 215 الیکٹرک گاڑیاں بھی فروخت ہوئیں۔ کورونا کے مد نظر 24 مارچ سے پورے ملک میں ڈاؤن کی وجہ سے مارچ سے جولائی تک گاڑیوں کی فروخت متاثر تھی۔ رواں برس اپریل میں پہلی بار ایسا ہوا جب ملک میں کوئی گاڑی نہیں فروخت ہوئی۔ تہوار کے موسم سے قبل گاڑی اور بائک کی فروخت کے رفتار پکڑنے سے صنعت کو بڑی راحت ملی ہے ۔
سیام۔صدر کینِچی آیوکاوا نے کہاکہ فروخت میں اضافہ ہو گیا ہے جس سے صنعت میں اعتماد کی لہر دوڑ گئی ہے ۔ ایک سال پہلے کے مقابلے اگست میں فروخت بڑھی ہے لیکن اگست 2019 میں فروخت میں کمی تھی۔ اس وقت مسافر گاڑیوں کی فروخت 32 فیصد اور دوپیہیہ گاڑیوں کی فروخت 22 فیصد کم ہوئی تھی۔ اس میں کچھ کورونا کے سبب رکی ہوئی ڈیمانڈ اور تہوار کے موسم کی ڈیمانڈ بھی ہے ۔ علاوہ ازیں اگست کے اعداد و شمار بہتر اشارے دے رہے ہیں’۔ سیام کے مطابق تین پیہیہ گاڑیوں کی فروخت میں سستی قائم ہے ۔ ان کی فروخت 14,534 یونٹ رہی جو ایک برس قبل کے مقابلے 75.29 فیصد کم ہے ۔ رواں مالی سال میں اپریل سے اگست تک مسافر گاڑیوں کی فروخت میں 49.41 فیصد کی کمی درج کی گئی ۔ گذشتہ برس کی اسی مدت میں 10,91,928 مسافر گاڑیاں فروخت ہوئی تھیں جن کی تعداد کم ہو کر 5,52,429 رہ گئی ہے ۔ اسی مدت میں دو پیہیہ گاڑیوں کی فروخت 48.57فیصد کم ہو کر 41,34,132 یونٹ اور تین پہیہ گاڑیوں کی 84.86 فیصد کم ہو کر 40,022 یونٹ پر رہی ۔