تہران 3 اکٹوبر (سیاست ڈاٹ کام) ایرانی سپریم لیڈر علی خامنہ ای نے پاسداران انقلاب کی قیادت پر زور دیا ہے کہ وہ محض خطے میں موجودگی پر اکتفا نہ کریں بلکہ خطرات سے نمٹنے موجودہ موقف سے آگے اپنے پھیلاؤ کو یقینی بنائیں۔خامنہ ای نے یہ بات پاسداران انقلاب کی قیادت سے خطاب میں کہی جو ان کی سرکاری ویب سائٹ پر جاری کیا گیا۔ایرانی سپریم لیڈر کا کہنا تھا کہ یہ سرحد پار وسیع ویژن و تزویراتی گہرائی کا پھیلاؤ ملک کیلئے اولین فرائض میں سے ہے۔خامنہ ای نے پاسداران انقلاب کی قیادت پر زور دیا کہ وہ ’’زیادہ بڑے واقعات‘‘ کے لیے تیار رہیں۔ انہوں نے ملک کے اس طاقت ور ترین عسکری ادارے کی کارکردگی پر اطمینان کا اظہار کیا۔ایرانی سپریم لیڈر نے باور کرایا کہ ہمیں اپنے علاقے تک محدود نہیں رہنا اور نہ خود کو چار دیواری کے اندر رکھنا چاہیے تا کہ سرحد پر خطرات سے نمٹا جا سکے‘۔
