واشنگٹن۔ 14ڈسمبر ۔(سیاست ڈاٹ کام) امریکہ کے وزیر خارجہ مائیک پومپیو نے کہا کہ امریکہ کیخلاف ایران کی فوج کے کسی بھی ممکنہ حملے کا جواب دیا جائے گا۔پومپیو نے جمعہ کو دیئے ایک بیان میں کہاکہ ہمیں اس موقع کا استعمال ایران کے لیڈروں کو یہ یاد دلانے کے لئے بھی کرنا چاہئے کہ امریکیوں کی کسی بھی شناخت، ہمارے ساتھیوں اور ہمارے مفادات کو نقصان پہنچنے والے ان کی طرف سے کئے گئے کسی بھی ممکنہ حملے کا جواب دیا جائے گا۔انہوں نے ایران اور اس کے اتحادیوں پر9 اور 11 ڈسمبر کو عراق میں بغداد کے بین الاقوامی ہوائی اڈہ کے قریب راکٹ حملہ کرنے کا الزام لگایا۔ انہوں نے کہا کہ حال ہی میں ایران کی ملیشیانے عراقی سیکورٹی فورسز کے کئی ٹھکانوں پر حملے کئے ہیں جہاں امریکہ اور بین الاقوامی اتحادی افواج کے جوان تعینات ہیں ۔انہوں نے ایران سے پڑوسی ممالک کی خودمختاری کا احترام کرنے اور عراق اور اس پورے علاقے میں تیسری پارٹی کی اپنی فوجی حمایت کو روکنے کی اپیل کی۔
