ممبئی: مہاراشٹرا کی راجدھانی ممبئی میں واقع مشہور ادارہ میڈیا ایجوکیشن اسکول آف براڈکاسٹنگ اینڈ کمیونیکیشن نے بھوٹان براڈکاسٹنگ کارپوریشن لمیٹڈ کے ایک معزز وفد کا گرم جوشی سے استقبال کیا۔ وفد نے ایس بی سی کے زیر اہتمام ایک خصوصی تربیتی پروگرام میں شرکت کی۔تربیتی پروگرام 14 اگست سے 25 اگست تک ایس بی سی کے کیمپس میں منعقد ہوا۔ایس بی سی کے ڈائریکٹر توشیر چودھری کی رہنمائی میں یہ پروگرام نے بھوٹان براڈکاسٹنگ کارپوریشن کے ایگزیکٹوزکیلئے میڈیا انڈسٹری میں بہترین کارکردگی کیلئے اعلی درجے کی مہارتوں اور بصیرت سے لیس کرنے کا وعدہ کیا۔اس پروگرام کیلئے مشہور صنعتی پیشہ ور افراد کو کورس ایڈوائزر کے طور پر شامل کیا گیا تھا۔اپنے بھرپور علم اور عملی تجربے کے ساتھ، ان کنسلٹنٹس نے مندوبین کو انمول بصیرت اور صنعت کے بہترین طریقہ کار فراہم کیا۔ توشیر چودھری نے کہاکہ ہم اس خصوصی تربیتی پروگرام کیلئے بھوٹان براڈکاسٹنگ کارپوریشن لمیٹڈ کے عہدیداروں کی میزبانی کرنے پر فخر محسوس کرتے ہیں۔ انہوں نے کہاکہ ایس بی سی ٹیلنٹ کو پروان چڑھانے اور صنعتی شراکت داری کو فروغ دینے کیلئے وقف ہے ، اور ہمیں یقین ہے کہ اس تعاون کے باہمی طور پر فائدہ مند نتائج برآمد ہوئے ہیں، جس سے بھوٹان اور ہندوستان دونوں میں نشریاتی منظر نامے میں اضافہ ہوا ہے۔
تربیتی پروگرام کا نصاب میں مختلف موضوعات شامل ہیں۔جس میں جدید نشریاتی ٹیکنالوجی، مواد کی تخلیق، سامعین کی مشغولیت کی حکمت عملی، اور صنعت کو تشکیل دینے والی تکنیکی ترقی شامل ہیں۔
