دبئی : ایشیا کپ 2022 کا سنسنی خیز مقابلہ ہندوستان نے آخری اوور میں 5 وکٹوں سے جیت لیا۔ پاکستان کی جانب سے دیا گیا 148 رنز کا نشانہ ٹیم انڈیا نے اس وقت حاصل کرلیا جب صرف 2 گیند یں باقی تھیں۔ ہندوستان نے ٹاس جیت کر پہلے فیلڈنگ کرنے کا فیصلہ کیا اور پاکستان کی ٹیم مقررہ بیس مکمل نہیں کھیل سکی اور ساری ٹیم 19.5اوور میں 147رنز پر اوٹ ہوگئی۔جواب میں اننگز کے آغاز میں ہندوستان کے اوپننگ بلے باز کے ایل راہول بغیر کوئی رن بنائے پہلی ہی گیند پر نسیم شاہ کی گیند پر بولڈ ہوئے۔ اسی اسکور ویرات کوہلی کا کیچ ڈراپ ہوا جس کے بعد انہوں نے کپتان روہیت شرما کے ہمراہ 49 رنز کی شراکت داری نبھائی۔50 کے اسکور پر محمد نواز نے 12 رنز بنانے والے روہیت شرما جبکہ 53 پر 35 رنز بنانے والے ویرات کوہلی کو کیچ ااؤٹ کروایا۔ ایسے میں رویندرا جادیجا نے پہلے سریا کمار یادیو کے ساتھ 36 اور پھر ہادیک پانڈیا کے ساتھ 52 رنز کی پارٹنر شپ بنا کر ٹیم کو جیت کے قریب کردیا۔ میچ آخری اوور تک گیا تو ایسے موقع پر 35 رنز بنانے والے رویندرا جادیجا کو محمد نواز نے بولڈ کردیا، تاہم آخری اوور کی چوتھی گیند پر پانڈیا نے چھکا لگا کر اپنی ٹیم کو فاتح بنایا۔ ہاردیک پانڈیا نے 17 گیندوں پر 33 رنز کی دھواں دار اننگز کھیلی اور انہیں میان آف دی میاچ کے اعزاز سے نوازا گیا۔ پاکستان کی جانب سے اپنا پہلا ٹی ٹوئنٹی کھیلنے والے نسیم شاہ نے 2 وکٹیں لیں جبکہ اسپنر محمد نواز کے حصے میں 3 اہم وکٹیں آئیں۔ پہلے بیٹنگ کرتے ہوئے پاکستان ٹیم آخری اوور میں 147 رنز بنا کراؤٹ ہوگئی تھی۔محتاط انداز میں اننگز کا آغاز کرنے کے بعد پاکستان ٹیم کو 15 رنز پر پہلی وکٹ سے محروم ہونا پڑا جب بابر اعظم پل شاٹ کھیلنے کی کوشش میں کیچ آؤٹ ہوئے جبکہ 42 کے اسکور پر فخر زمان کیپر کو کیچ دے بیٹھے۔ اس کامیابی سے ہندوستان کو 2پوائنٹس حاصل ہوئے۔
