اجزا : نوڈلز ایک کپ، تیل چار کھانے کے چمچہ، ہری پیاز چار عدد (آدھاانچ کے قتلے کاٹل لیں)، لیموں (رس نکال لیں) ایک عدد، لہسن کے جوے (چوپ کرلیں)دو عدد، چکن بریسٹ ایک عدد (بون لیس، سلائس کر لیں)، جھینگے (صاف کرلیں) دو عدد، ووسٹر شائر سوس ایک کھانے کا چمچہ، سویا سوس ایک کھانے کا چمچہ، بران شوگر ایک کھانے کا چمچہ، انڈے دو عدد ، ہرا دھنیا سجاوٹ کیلئے۔
ترکیب: نوڈلز کو اُبلتے ہوئے پانی میں ڈال کر نرم ہونے تک پکائیں اور پھر پانی نتھار کر ایک طرف رکھ دیں۔ ایک فرائی پین میں تیل کی آدھی مقدار گرم کر کے اس میں ہری پیاز ڈال کردومنٹ تک اسٹر فائی کریں ۔ اس کے بعد نوڈلز، لیموں کا رس اور سویا سوس ڈال کر دوسے تین منٹ تک اسٹر فرائی کریں۔ اب اس کو ایک باول میں نکال کر رکھ دیں۔ اب تیل کی باقی مقدار گرم کریں اور اس میں لہسن ،چکن بریسٹ اورر جھینگے ڈال کر تیز آنچ پر اچھی طرح اسٹر فرائی کریں ۔ اس کے بعد اس میں ووسٹر شائر سوس اور بران شوگر ڈالیں۔ اب انڈے بھی توڑ کر ڈال دیں اور ہلکے ہاتھ سے چلائیں۔ اس میں نوڈلز شامل کر کے ہلکے ہاتھ سے ٹوز کریں اور ہلکا سا گرم کر کے سرونگ ڈش میں نکال کر ہرے دھنیے سے گارنش کر کے پیش کریں۔
