دھرم شالہ۔ ہندوستانی کپتان روہت شرما نے اعتراف کیا کہ وہ ایچ پی سی اے میں جمعرات کو شروع ہونے والے پانچویں اور آخری ٹسٹ میچ سے قبل انگلینڈ کے بہادر انداز اور کھیل کی جارحانہ ذہنیت کی تعریف کرنے کے باوجود بازبال کی اصطلاح سے پریشان ہیں۔ جب سے برینڈن میک کولم نے انگلینڈ کے ہیڈ کوچ کا عہدہ سنبھالا اور بین اسٹوکس نے کپتانی سنبھالی، ٹسٹ کرکٹ کے لیے ان کے غیر روایتی انداز، جسے ’’باز بال‘‘ کہا جاتا ہے، نے دنیا بھر میں تخیلات کو اپنی لپیٹ میں لے لیا لیکن روہت نے کہا کہ انہیں نہیں معلوم کہ باز بال کیا ہے ۔
