واشنگٹن : امریکی صدر بائیڈن نے دو سال سے زیادہ انتظار کرنے کے بعد آخر کار پیر کو اسرائیلی وزیر اعظم بنجامن نتن یاہو کو امریکہ کے دورے کی دعوت دے دی۔ وائیٹ ہاؤس کی پریس سکریٹری کرائن جین پیئر نے کہا کہ دونوں ممکنہ طور پر اس سال کے اختتام سے قبل واشنگٹن میں ملاقات کریں گے۔بائیڈن اور دیگر امریکی حکام نتن یاہو اور ان کی حالیہ حکومت پر تنقید کرتے رہے ہیں۔ یہ حکومت اسرائیل کی تاریخ میں سب سے زیادہ انتہا پسندوں میں سے ایک ہے۔ حالیہ مہینوں میں نتن یاہو نے مقبوضہ فلسطینی اراضی پر غیر قانونی بستیوں کی توسیع کے ساتھ ساتھ عدالتوں سے متعلق قانون سازی کو آگے بڑھایا ہے۔ ناقدین کا کہنا ہے کہ حلیہ قانون سازی اسرائیلی عدلیہ پر حکومتی کنٹرول کو بڑھا دے گی۔