واشنگٹن: امریکی وزیر خارجہ انٹونی بلنکن نے عراقی وزیر اعظم محمد شیاع السودانی سے بات کی اور عراقی حکومت سے عراق میں امریکی تنصیبات کے تحفظ کے اپنے وعدوں کو پورا کرے اور امریکی اہلکاروں پر حملے کے ذمہ دار لوگوں کے خلاف کارروائی کرنے پر زور دیا ۔ یہ اطلاع ترجمان میتھیو ملر نے جمعہ کو ایک بیان میں دی۔ بیان کے مطابق بلنکن نے عراقی وزیر اعظم محمد شیاع السودانی سے بات کی۔ وزیر خارجہ نے عراقی حکومت سے مطالبہ کیا کہ وہ امریکی اہلکاروں کی میزبانی کرنے والی تمام تنصیبات کے تحفظ کے اپنے وعدوں کو پورا کرے اور امریکی اہلکاروں پر حملوں کے ذمہ داروں کے خلاف کارروائی کرنے پر زور دیا۔ بیان میں کہا گیا ہے کہ مزید برآں، بلنکن اور محمد شیاع السودانی نے اسرائیل۔حماس تنازعہ پر تبادلہ خیال کیا، اور اس میں اضافہ کو روکنے کی ضرورت پر زور دیا۔ بیان کے مطابق وزیر خارجہ نے غزہ میں انسانی صورتحال اور عراق اور خطہ کے دیگر شراکت داروں کے ساتھ ہمارے کام پر تبادلہ خیال کیا تاکہ ان اقدامات کی نشاندہی کی جا سکے جو ہم ایک منصفانہ اور دیرپا امن کی بنیاد رکھنے کیلئے اٹھا سکتے ہیں۔
