حیدرآباد5اپریل (یواین آئی)پیپر لیک معاملہ میں مبینہ رول پر تلنگانہ بی جے پی صدربنڈی سنجے کی گرفتاری کے معاملہ پر بی جے پی کے قومی صدر جے پی نڈا نے مرکزی وزیرداخلہ امیت شاہ سے ملاقات کی۔ بعد ازاں ان دونوں نے وزیر اعظم نریندر مودی سے ملاقات کی اور وزیراعظم نے اس مسئلہ پر تفصیلات حاصل کیں۔ بتایا جاتا ہے کہ نڈا نے مودی کو بتایاکہ دسویں جماعت کے ہندی کے پیپر لیک معاملے میں بنڈی سنجے کی گرفتاری سیاسی سازش کا حصہ ہے۔ بتایا جاتا ہے کہ تلنگانہ بی جے پی صدر بنڈی سنجے کی گرفتاری کے تمام قانونی پہلوؤں کا جائزہ لیا جارہا ہے ۔
ادھر تلنگانہ میں بھی بنڈی سنجے کی گرفتاری کے خلاف بی جے پی کارکنوں اور قائدین کی جانب سے احتجاج کا سلسلہ جاری ہے۔