بھینسہ 21/نومبر (سیاست ڈسٹرکٹ نیوز) بھینسہ شہر کے اردو اور تلگو میڈیم ضلع پریشد گرلز اسکولس کے لیے صدر مدرس گنگاپرساد نے اپنے ذاتی اخراجات پر 16 کمپیوٹرس سسٹم کا عطیہ دیا جس پر شہر کے قلبی مارکیٹ علاقہ میں واقع ضلع پریشد فوقانیہ اردو اسکول میں آٹھ کمپیوٹرس پر مشتمل روم کا افتتاح فلور لیڈر بلدیہ فیض اللہ خان نے انجام دیا اس موقع پر نمائندہ کونسلر محمد عبدالماجد ، حافظ سید کلیم سماجی کارکن کے علاوہ صدر مدرس گنگاپرساد اور اساتذہ جن میں محمد وقار الدین ، سید سراج ، محمد غوث ، خواتین معلمات و دیگر موجود تھے اس موقع پر طالبات کو دلچسپی اور جستجو کے ساتھ عصری اور کمپیوٹر کی تعلیم حاصل کرنے مذکورہ ذمہ داروں نے نصیحت کی اور فلور لیڈر بلدیہ فیض اللہ خان اور نمائندہ کونسلر محمد عبدالماجد نے اسکول میں جماعت دہم کے امتحانات میں پہلا مقام حاصل کرنے پر دس ہزار اور دوسرا مقام حاصل کرنے پر ڈھائی ہزار نقد رقم دینے اور سالانہ تقریب تک کمپیوٹر میں مہارت حاصل کرنے والے طالبات کو بھی انعامات سے نوازنے کے علاوہ اسکول ہذا کے کمرے جماعتوں میں مزید دو برقی پنکھے نصب کرنے کا اعلان کرتے ہوئے صدرمدرس گنگاپرساد کے اس اقدام کی زبردست ستائش کی اور مبارکباد پیش کی۔
