نئی دہلی :کانگریس کے صدر ملکارجن کھرگے نے بی جے پی اورآر ایس ایس کو بزدل قرار دیتے ہوئے کہا ہے کہ خوف کی وجہ سے ہی انہوں نے انگریزوں کا ساتھ دیا تھا اور اب ان کی حکومت پچھلے 10 سالوں سے اقتدار میں ہے وہ ملک کے لوگوں کو پریشان کر رہے ہیں۔ کھرگے نے کہا کہ ملک میں خوف کا ماحول ہے اور یہ ماحول ان لوگوں نے پیدا کیا ہے جنہوں نے خوف کے مارے خود انگریزوں کے ساتھ کام کیا تھا۔ انہوں نے کہا کہ بی جے پی۔آر ایس ایس ملک کو تباہی کی طرف لے جا رہے ہیں اس لئے ان سے چھٹکارا حاصل کرنا ضروری ہے۔ کھرگے نے کہاکہ کانگریس پارٹی مودی، بی جے پی۔آر ایس ایس سے نہیں ڈرتی۔ بی جے پی آر ایس ایس بزدل ہیں۔
یہ لوگ ڈر کے مارے انگریزوں کے ساتھ کام کرتے تھے اور یہ لوگ ڈر کے مارے معافی نامہ لکھتے تھے۔ اگر آر ایس ایس کی حکومت کو نہ روکا گیا تو ملک تباہی کی طرف جائے گا۔