لکھنؤ: اتر پردیش کے ماؤ ضلع کی گھوسی اسمبلی سیٹ پر ضمنی انتخاب ہورہے ہیں جس کیلئے پارٹی نے دارا سنگھ چوہان کو اپنا امیدوار نامزد کیا ہے۔ اتوار کو ضلع کے تھانہ سرائے لکھنشی علاقے کے ایک گاؤں میں انتخابی مہم کے دوران دارا سنگھ چوہان کے منہ پر سیاہی پھینک دی گئی۔ وہ ضلع کے ایک قصبے میں پہنچے اور انتخابی مہم شروع ہی کی تھی کہ ایک شخص نے ان پر سیاہی پھینک دی۔دارا سنگھ چوہان نے 2022 میں سماج وادی پارٹی کے ٹکٹ پر الیکشن جیتا تھا لیکن انہوں نے اسمبلی کی سیٹ سے استعفیٰ دے دیا اور اسی سیٹ سے بی جے پی ٹکٹ پر الیکشن لڑ رہے ہیں۔ ایسا کرنے پر دارا سنگھ کو عوامی غصے کا سامنا کرنا پڑ رہا ہے۔سیاہی پھینکنے کے بعد وہ انتخابی مہم ادھوری چھوڑ کر وہاں سے چلے گئے جبکہ سیاہی پھینکے والا شخص بھی فرار ہوگیا۔
پولیس اب اس شخص کی تلاش کررہی ہے۔ واضح رہے کہ بی جے پی امیدوار پر حملے کے دوران پولیس اہلکار بھی وہاں موجود تھے۔ اب اس واقعہ کی ویڈیو سوشل میڈیا پر خوب وائرل ہورہی ہے۔ گھوسی اسمبلی کی سیٹ پر ضمنی انتخاب 5 ستمبر کو ہوگا