متھرا:یکم جنوری(سیاست ڈاٹ کام) نئے سال کے موقع پر اترپردیش کے ضلع متھرا میں چہارشنبہ کو جمنا ایکسپریس وے کے قریب ایک تاجر نے اپنی بیوی اور بیٹی کو گولی مانے کے بعد کار میں خودکشی کرلی۔پولیس ذرائع کے مطابق یمنا ایکسپر وے پر ورندون کٹ کے جھاجھر بائی پاس کے نزدیک سے تین افراد کی لاشیں ایک کار سے برآمد کی گئی ہیں۔ جن کی شناخت نیرج اگروال(40)،بیوی نیہا(36) اور بیٹی دھنیا(06)کے طور پر ہوئی ہے ۔تاہم بیٹا شوریہ(10) کی حالت کافی نازک ہے اسی اسپتال میں داخل کرایا گیا ہے ۔سپرنٹنڈنٹ آف پولیس(شہر) اشوک مینا نے بتایا کہ ابتدائی جانچ سے پتا چلا ہے کہ نیرج شہر کے گاوگھاٹ علاقے کا رہنے والا تھا۔
