ترکی میں مِنی بس ۔ٹرین تصادم، 6 افراد ہلاک

   

انقرہ ۔ ترکی کے شمالی مغربی علاقے ایرگین میں ایک مِنی بس اور ایک مال بردار ریل گاڑی کے تصادم کے نتیجے میں کم از کم 6 افراد ہلاک ہوگئے۔ ہفتہ کو مقامی وقت کے مطابق صبح 8 بجے پیش آنے والے اس حادثے میں چھ دیگر افراد زخمی ہوئے۔ ترک نیوز ایجسنی دیمیرورن کے مطابق یہ مِنی بس اچانک کارگو ٹرین کے سامنے آ گئی تھی اور ریل گاڑی سے ٹکرانے کے بعد الٹ گئی۔ مرنے والے تمام افراد مِنی بس کے مسافر اور ایک مقامی فیکٹری کے کارکن تھے۔