برقی عہدیداروں کے ساتھ جائزہ اجلاس، ڈسکامس نے برقی شرحوں میں اضافہ کی تجویز پیش کی
حیدرآباد۔/16 ڈسمبر، ( سیاست نیوز) وزیر برقی جگدیش ریڈی نے کہا کہ ملک کی دوسری ریاستوں کی بہ نسبت تلنگانہ میں برقی شرحیں کم ہیں۔ حکومت کی جانب سے سبسیڈی میں اضافہ کے باوجود برقی نقصانات میں اضافہ ہورہا ہے۔ وزیر برقی گزشتہ تین دن سے محکمہ برقی کے اعلیٰ عہدیداروں کے ساتھ اجلاس میںبرقی نقصانات اور اُس پر قابو پانے کا جائزہ لے رہے ہیں۔ ان اجلاسوں میں ٹرانسکو، جینکو کے سی ایم ڈی پربھاکر راؤ، ڈسکام کے سی ایم ڈی رگھوما ریڈی کے علاوہ دوسرے عہدیداروں نے شرکت کی۔ اس سے قبل عہدیداروں نے وزیر فینانس ہریش راؤ سے ملاقات کرکے برقی شرحوں میں اضافہ کی تجویز سے واقف کرایا ہے۔ عہدیداروں نے اجلاس میں جگدیش ریڈی کو بتایا کہ ایک یونٹ برقی پر اگر ایک روپیہ کا اضافہ نہیں کیا جاتا ہے تو نہ برقی اداروں کی آمدنی میں اضافہ ہوگا اور نہ نقصانات کی تلافی ہوگی۔ وزیر برقی نے کہا کہ اندرون 200 یونٹس برقی استعمال کرنے والے صارفین سے کم قیمت وصول کرنے پر حکومت سے سالانہ 1253 کروڑ روپئے کی سبسیڈی فراہم کی جارہی ہے۔ سبسیڈیز کے ساتھ برقی سربراہ کرنے والے اداروں کو سالانہ 10 ہزار کروڑ روپئے دئے جارہے ہیں۔ ۔ بی جے پی ، کانگریس، کمیونسٹ زیر اقتدار ریاستوں میں کسانوں سے ماہانہ 2,500 کروڑ سے زائد کے بلز وصول کئے جارہے ہیں۔ نقصانات میں چلنے والے اداروں کو فائدہ بخش اداروں میں تبدیل کرنے متبادل راستے اختیار کرنے کا جگدیش ریڈی نے عہدیداروں کو مشورہ دیا۔ ن
