حیدرآباد 15جنوری ( یواین آئی ) تلنگانہ میں سردی کی لہر میں اضافہ ہوگیا ہے۔ محکمہ موسمیات نے انتباہ دیا کہ درجہ حرارت میں مزید گراوٹ کا امکان ہے ۔شہر کے نواحی علاقوں میں صبح کے وقت سردی کے ساتھ کہر کی گھنی چادر بھی دیکھی جارہی ہے ۔ زیادہ تر لوگ گھروں سے باہر نکلنے سے گریز کر رہے ہیں تاہم صبح کے اوقات میں کاروبار کیلئے جانے اور چہل قدمی کرنے والے افراد کو مشکلات کاسامنا کرنا پڑرہا ہے ۔عادل آباد کے دیہاتیوں نے کہا کہ گزشتہ دو سال کے مقابلہ اس مرتبہ سردی کی لہر میں اضافہ ہوا ہے ۔دوسری طرف چہل قدمی کرنے والوں نے بھی اضافہ پر تشویش کا اظہار کیا ہے ۔صبح میں 9بجے تک سردی کی لہر دیکھی جارہی ہے اور شام میں چار بجے سے دوبارہ سردی کی لہر ہورہی ہے ۔ ساتھ ہی کہر کے سبب راستہ بھی صاف دکھائی نہیں دے رہا ہے ۔عادل آباد کے ایجنسی علاقوں اور جنگلات سے متصل آبادیوں میں سردی کی لہر میں اضافہ ہورہا ہے ۔
