حیدرآباد۔ تلنگانہ میں آج ایک دن میں کورونا کے 1,198 نئے پازیٹیو کیس رپورٹ ہوئے ہیںجس سے اب تک ریاست میں جملہ متاثرین کی تعداد 46,276 ہوگئی ہے ۔ آج ایک دن میں سات اموات بھی ہوئی ہیں اور اب تک مرنے والوں کی تعداد 422 ہوگئی ہے ۔ ریاستی حکومت کے ایک بلیٹن میں کہا گیا ہے کہ آج جملہ 1,885 مریضوں کو علاج و صحتیابی کے بعد ڈسچارج کردیا گیا ہے ۔ اب تک صحتیاب ہونے والوں کی تعداد 34,323ہوگئی ہے ۔ مزید 11,530 مریض دواخانوںمیں زیر علاج ہیں۔ نئے کیسوں میںجی ایچ ایم سی حدود سے 510 ‘ رنگا ریڈی سے 106 ‘ میڑچل سے 76 کریمنگر سے 87 ‘ ورنگل اربن سے 73 کیس رپورٹ ہوئے ہیں۔