حیدرآباد: تلنگانہ میں گزشتہ 24 گھنٹوں کے دوران کورونا کے 403 نئے کیسس منظر عام پر آئے جبکہ دو اموات واقع ہوئیں۔ ہفتہ اور اتوار کے درمیان کورونا ٹسٹوں کی تعداد میں کمی واقع ہوئی ہے جس کے نتیجہ میں کیسس کی تعداد کم درج کی گئی ۔ محکمہ صحت کے بلیٹن کے مطابق 313 افراد اس مدت میں صحت یاب ہوئے ۔ ریاست میں پازیٹیو کیسس 306742 ہوچکے ہیں جبکہ 300469 افراد صحت یاب ہوئے ۔ فوت ہونے والوں کی تعداد 1690 ہوچکی ہے۔ ریاست کے ایکٹیو کیسس 4583 درج کئے گئے جن میں سے 1815 مریض ہوم آئسولیشن کے تحت زیر علاج ہے۔ ہفتہ اور اتوار کے درمیان 33930 کورونا ٹسٹ کئے گئے جن میں سے 1421 کا نتیجہ آنا باقی ہے ۔ گریٹر حیدرآباد میں 146 نئے کیسس درج ہوئے جبکہ عادل آباد 7 ، جگتیال 9 ، کریم نگر 10 ، محبوب نگر 11 ، ملکاجگری 40 ، نظام آباد 10 ، رنگا ریڈی 34 ، سنگا ریڈی 24 ، ورنگل اربن 9 اور بھونگیر میں 11 کیسس منظر عام پر آئے۔
